တရားရုံးများကို မထီမဲ့မြင်ပြုမှုဥပဒေဆိုတာ

တစ်ခါတော့ တော်တော်လေးမရှုမလှခံလိုက်ရတယ်၊ ကြည့်လေ

ဦးလေးတို့က ကိုရိုလာကားနှင့်ကမာရွတ်မီးပွိုင့်ကနေပြီးတောင်ဘက်လာကြတယ်၊ 

 ဒီတစ်ခါတော့ တော်တော်လေးမရှုမလှခံလိုက်ရတယ်၊ ကြည့်လေ

ဦးလေးတို့က ကိုရိုလာကားနှင့်ကမာရွတ်မီးပွိုင့်ကနေပြီးတောင်ဘက်လာကြတယ်၊

 တောင်ဘက်ဟံသာဝတီအဝိုင်းဘက်က ဖယ်မလီယာကားတစ်စီးကမြောက်ဘက်လာနေတယ်၊ 

သူ့လမ်းနှင့်သူ တခြားစီမို့ဖြောင့်ဖြောင့်တန်းတန်းသွားနေကြရင်

ဘာမှဖြစ်မှာမဟုတ်ဘူး၊ ဒါပေမယ့် လိပ်ခုံးအနီးမှာ သူ့ရှေ့ ကကားတစ်စီးကိုကျော်အတက် 

အရှိန်လွန်ပြီးဦးလေးတို့ကားကိုဝင်တိုက်တော့တာပဲ၊

၁၉၇၆ခုနှစ် ဇွန်လထုတ်ရှုမဝမဂ္ဂဇင်း ဦးလေးပြောမယ့် ကဏ္ဍမှာ ဆရာဇဝနရေးခဲ့တဲ့ဆောင်းပါးထဲက 

စာတစ်ပုဒ်ပါ၊

၂၈-၄-၇၆ နေ့ညနေမှာ ဆရာဇဝနစီးလာတဲ့ကိုရိုလာကားနှင့်ကိုမင်းသူနိုင်တို့ စီးလာတဲ့ဖယ်မလီယာကားက

 ကမာရွတ်မီးပွိုင့်အနီးမှာတိုက်မိကြပုံဇာတ်စုံခင်းပြထားတဲ့ဆောင်းပါး၊ ဒီဆောင်းးပါးပါလာတဲ့အချိန်တုန်းက

 ကားတိုက်မှုနှင့်ပတ်သက်ပြီး ကိုမင်းသူနိုင်အပေါ်ပြစ်မှုဆိုင်ရာဥပဒေပုဒ်မ(၃၀၄-) အရစွဲဆိုထားတဲ့

 ကမာရွတ်မြို့နယ်တရားရုံးကအမှုကပြီးတောင်မပြီးသေးဘူး၊စစ်ဆေးကြားနာဆဲအမှုမပြီးသေးခင်ရေးလိုက်

တဲ့ဆောင်းပါးဟာ တရားစီရင်ရေးကိုဝင်ရောက်စွက်ဖက်ရာရောက်တယ်၊ဒါကြောင့်ဆရာဇဝနကို၊ 

တရားရုံးများကိုမထီပဲ့မြင်ပြုမှု ဥပဒေပုဒ်မ(၃)အရ အရေးယူပေးဖို့ရာ ကိုမင်းသူနိုင်တို့က 

တရားရုံးချုပ်ပြစ်မှုဆိုင်ရာအထွေထွေလျှောက်လွှာ အမှတ်၈၈/၁၉၇၆ အရလျှောက် ထားခဲ့တယ်။

သည်နေရာမှာ တရားရုံးများမထီမဲ့မြင်ပြုမှု အက်ဥပဒေ(THE  CONTEMPT OF COURTS ACT ) ကိုကြား

ဖြတ်အနေနှင့်မိတ်ဆက်ပေးပါရစေ၊ ဒီဥပဒေကို ၁၉၂၆ခုနှစ်အက်ဥပဒေအမှတ်(၁၂) မဖြစ်ပြဌာန်းခဲ့တာဖြစ်

ပြီးကျွန်တော်တို့နိုင်ငံမှာ ၁- ၅ - ၂၆ ကတညိးက အာဏာသက်ရောက်ခဲ့ပါတယ်။

ဒါပေမဲ့ သည်ဥပဒေကို ၂၉- ၇ -၂၀၁၃  ရကိနေ့မှာြပ်ညထောင်စုလွှတ်တော်ဥပဒေအမှတ်-၁၇ အဖြစ်

 ပြဌာန်းလိုက်တဲ့ တရားရုံးများကိုမထီမဲ့မြင်ပြုမှုဥပဒေ အသစ်ကရုပ်သိမ်းလိုက်ပြီးဖြစ်ပါတယ်၊

တကယ်လို့တရားရုံးများကိုမထီမဲ့မြင်ပြုမှုတစ်ခုခု ကျူးလွန်မိတယ်ဆိုရင်တော့ အထက်မှာတင်ပြခဲ့ပြီးဖြစ်တဲ့

ဥပဒေအသစ်ဖြင့် သာရင်ဆိုင်ခုခံဖြေရှင်းရဘွယ်ရှိတော့ကာ၊ ဒီဥပဒေနှင့်ပတ်သက်ပြီးသိထားသင့်တာလေး

ပြီး ဝေမျှပါ၇စေ။ရုပ်သိမ်းပြီးဖြစ်တဲ့ဥပဒေမှာတော့ ဘယ်လိုပြုမူမှုုမျိုးဟာ တရားရုံးများကိုမထီမံ့မြင်ပြုမူခြင်း

ဖြစ်တယ်ဆိုတာတိတိပပဖေါ်ပြမထားပေမဲ့ အခုဥပဒေအသစ်မှာတေ့ာထင်ထင် ရှားရှားဖေါ်ပြထားတာ

 တွေ့ရှိရပါတယ်။

အခုဥပဒေအသစ်ရဲ့အလိုအရကတော့ ၊ တရားရုံးများကိုမထီမဲ့မြင်ပြုမှုဆိုရာမှာ

 (တရားမဆိုင်ရာမထီမဲ့မြင်ပြုမှု)နှင့်(ပြစ်မှုဆိုင်ရာမထီမဲ့မြင်ပြုမှု)လို့နှစ်ခုခွဲခြားထားပြီး 

တရားမဆိုင်ရာမထီမဲ့မြင်ပြုမှုဆိုတာက တရားရုံးတစ်ရုံးကချမှတ်တဲ့စီရင်ချက်၊ ဒီကရီ၊ အမိန့်၊ ညွှန်ကြားချက်

 သို့မဟုတ် ထုတ်ဆင့်သောဆင့်စာကိုတမင်သက်သက်လိုက်နာဘို့ပျက်ကွက်ခြင်း လို့ဖေါ်ပြထားပြီး

 ပြစ်မှုဆိုင်ရာ မထီမဲ့မြင်ပြုမှုဆိုတာကို  အဓိပ္ပါယ်ဖွင့်ဆိုရာမှာ တော့ 

၁။     တရားရုံးဧါ်ဥပဒေအရအပ်နှင်းထားတဲ့အခွင့်အာဏာကိုသေးသိမ်စေခြင်း သို့မဟုတ် သေးသိမ်ရန်ဖြစ်တန်စေခြင်း။

  

၂။     တရားစီရင်သောမှုခင်းိကိစ္စတွင်ဖြောင့်မှန်စွာဆောင်ရွက်မှုကိုထိခိုက်စေခြင်စ၊စွက်ဖက်ခြင်း သို့မဟုတ်နှောင့်ယှက်ခြင်း။

  

၃။      မှန်ကန်လွတ်လပ်စွာတရားစီရင်မှုအပေါ်အများပြည်သူကယုံကြည်ကိုးစားမှုလျော့နည်းစေရန်တစ်နည်းဖြင့်ပြုလုပ်ခြင်း။

၄။     တရားရုံးကဆုံးဖြတ်ရန်ရှိသောအချက်များကိုတစ်စုံတစ်ရာအဆုံးအဖြတ်မပေးမီကြိုတင်ဝေဖန်ပြော ဆိုခြင်းရေးသားဖေါ်ပြခြင်း ပုံနှိပ်ထုတ်ဝေခြင်း၊ဖြန့်ချိခြင်း။

အထက်ဖေါ်ပြပါအချက်တွေကိုနှုတ်ဖြင့်ဖြစ်စေ၊ စာဖြင့်ဖြစ်စေ၊ အမှတ်သကေ်တဖြင့်ဖြစ်စေ၊ အခြားတနည်းနည်း

ဖြင့်ဖြစ်စေ တမင်ထုတ်ဖေါ်ကြေညာ ရေးသား ဖေါ်ပြ ုပုံနှိပ်ဖြန့်ချီခဲ့ကြမယ်ဆိုရင်တော့ တရားရုံးများကို မထီမဲ့

ပြုမှုနှင့်ငြိစွန်းနိုင်ဘွယ်ရာရှိပြီးတော့ကာ ပြစ်မှုထင်ရှားတယ်ဆိုရင်ဖြင့် ခြောက်လထက်မပိုတဲ့အလုပ်လက်မဲ့

ထောင်ဒဏ်၊ ကျပ်တစ်သိန်းထက်မပိုသော ငွေဒဏ်ဖြစ်စေ ဒဏ်နှစ်ရပ် လုံးဖြစ်စေချမှတ်ခံရဘွယ်ရှိပါတယ်။

အလျဉ်းသင့်ခိုက်တရားရုံးများကိုမထီမဲ့မြင်ပြုခြင်းကို နိုင်ငံတကာဥပဒေပညာရှင် တွေကဘယ်လို 

အဓိပ္ပါယ်ဖွင့်ဆိုခဲ့ကြပါသလဲမြန်မာနိင်ငံတရားရုံးများကအစဉ်တစိုက်လိုက်နာခဲ့တဲ့မူများကို 

ဒီဆောင်းပါးကနေတင်ပြသွားမှာဖြစ်ပါတယ်။

အင်္ဂလန်ကဥပဒေပညာရှင် Halsbury ကတော့ ဒီလိုအဓိပ္ပါယ်ဖွင့်ဆိုပါတယ်။

Any act done or writing published which is calculated to bring a court or a judge in to contempt or to lower his authority; or to interfiere with the due course of justice or the lawful process of the court; is a contempt of court.

တရားရုံးတော်သို့မဟုတ် တရားသူကြီးကိုအထင်အမြင်သေးသိမ်စေနိုင်သော သို့မဟုတ်

 ဖြောင့်မှန်စွာတရားစီရင်ရေးကို နှောင့်ယှက်နိုင်သော သို့မဟုတ် တရားသဖြင့်ထုတ်ဆင့်သောအမိန့်၊

ဆင့်စာ၊ ဝရမ်းစသည်တို့ကိုအတည်ပြုရာတွင်နှောင့်ယှက်နိုင်သောအပြုအမူ၊အပြောအဆို၊အရေး

အသားသည်ရုံးတော်ကို မထီမဲ့မြင်ပြုခြင်းမည်၏လို့ဆိုပါတယ်။ ဥပဒေပညာရှင် Oswald ကတော့ 

သူပြုစုခဲ့တဲ့ Contempt of Court 3rd Edition  -p- 9  မှာအဓိပါယ်ဖွင့်ဆိုထားတာက

All publication, which offend against the dignity of the court or are calculated to prejudice the course of justice constitute contempts.

တရားရုံးတော်၏်ဂုဏ်ကျက်သရေကိုထိပါးသော သို့မဟုတ်  တရားဖြောင့်မှန်ရေး လမ်းစဉ်ကို

 နှောင့်ယှက်နိုင်သော အရေးအသားအပြောအဆိုအားလုံးသည် ရုံးတော်ကိုမထီမဲ့မြင်ပြုခြင်းမည်၏လို့ 

အဓိပ္ပါယ်ဖွင့်ဆိုပါတယ်။

ဆောင်းပါးအစမှာဖေါ်ပြခဲ့တဲ့ ဆရာကြီးဇဝနရဲ့စာတပိုဒ်ဟာ၊ မည်သူ့ကိုမျှနစ်နာစေလိုတဲ့

သဘောမျိုးမဟုတ်ဘဲကိုယ့်အတွေ့အကြုံကို ကိုယ်တိုင်ရေးသားဖေါ်ပြတာဖြစ်ပေမဲ့၊

 ဆောင်းပါးကိုဖတ်ကြည့်လိုက်ရင် ကားကိုမဆင်မခြင်မောင်းသူဟာ ကိုမင်းသူနိုင်သာဖြစ်ကြောင်း

တရားရုံးအနေဖြင့်ဖြစ်စေ၊ အမှုနှင့်သက်ဆိုငိသူများအနေဖြင့်ဖြစ်စေ ကိုမင်းသူနိုင်အပေါ်

တစ်ဖက်သတ်ကြိုတင်ဆုံးဖြတ်နိုင်ဘွယ်ရှိနေပါတယ်။ ဒီအမှုမှာတရားရုံးချုပ်    

တရားရုံးတွင်စစ်ဆေးကြားနာလျက်ရှိသောအမှုအကြောင်းချင်းရာနှင့်ပါတ်သက်၍ ကိုယ်တွေ့ 

မျက်မြင်ဖြစ်ပါသည်ဟူသော အကြောင်းပြချက်ဖြင့်၊ သတင်းသို့မဟုတ် ဆောင်းပါးကြိုတင်ရေးသားဖေါ်ပြခွင့်

မရှိ။ တရားရုံးကိုမထီမဲ့မြင်ပြုလုပ်သည့်အမှုများတွင် မလျော်သောစိ်တ်စေတနာမရှိဟူသောအခက်သည်

လည်းကောင်း၊ ရေးသားဖေါ်ပြချက်အရတရားရုံး၏စီရင်ဆုံးဖြတ်ချက်ကို ထိခိုက်ဖွှယ်ရာမရှ်ဟူသော

အချက်သည်လည်းကောင်းအဓိကမဟုတ်၊

အမှုနှင့်ပါတ်သက်၍ တရားစီရင်ရေးလမ်းကြောင်း တိမ်းစောင်းနိုင်ဘွယ်ရာရှိကြောင်းပေါ်ပေါက်လျင် 

အမှန်တကယ်တိမ်းစောင်းခြင်းမရှိစေကာမူ ပစ်မှုကျူးလွန်ရာရောက်သည်ဟု သုံးသပ်ကာ

ဆုံးဖြတ်ခဲ့သောကြောင့် ဆရာကြီးဇဝန ဒဏ်ငွေဆောင်ခဲ့ရဘူးပါသည်။

၁၉၆၅ခုနှစ်မြန်မာနိုင်ငံတရားစီရင်ထုံးများ-စာ-၁၀၆၅ မှာပါရှိတဲ့ ဒေါ်ဒဂုဏ်ခင်ခင်လေး နှင့် ဦးကိုကိုလေးပါ-၂

အမှုဟာလဲ ဒီသဘောတရားမျိုးပါ၊။  မိုးရုပ်ရှင်ကုမ္ပဏီကရိုက်ကူးထုတ်လုပ်တဲ့  ပုံပမာ  ဇာတ်ကားဟာ 

၁၉၃၉ ခုနှစ်ကတည်းကဒေါ်ဒ၈ုဏ်ခင်ခင်လေးရေးသားထုတ်ဝေခဲ့တဲ့ဝထ္ထုရဲ့ဇာတ်လမ်းကြောရိုးနှင့်တူနေပါ

တယ်။

ဒါဟာ သူ့မူပိုင်ခွင့်ချိုးဖေါက်တယ်ဆိုပြီးထိုစဉ်က ရန်ကုန်တရားမတရားသူကြီးချုပ်ရုံးမှာ

 ဒေါ်ဒဂုဏ် ခင်ခင်လေးက ဦးကျော်ဆွေကိုတရားစွဲခဲ့တယ်။ဒီအမှုမှာတရားပြိုင်ဖြစ်တဲ့

 ဦးကျော်ဆွေဘက်က  ချေလွှာတောင်မတင်ရသေးခင်

၁၅ -၁-၆၅ ရက်နေ့ထုတ် မိုးကြိုးသတင်းစာ စာမျက်နှာ-၉ မှာ၊ မုပိုင်ခွင့်အခွင့်အရေး

 ဒေါ်ဒဂုဏ်ခင်ခင်လေးတွင်မရှိဆိုတဲ့သတင်းကြီးက စာလုံးမဲကြီးနှင့်ပါလာပါလေရော။မုပိုင်ခွင့်နှင့်

ပါတ်သက်ပြီးစွဲဆိုထားတဲ့မိုးကြိးသတင်းစာအယ်ဒီတာနှင့်ထုတ်ဝေသူတို့ရဲ့အပြုအမူဟာ တရားရုံးများကို

မထီမဲ့မြင်ပြုမှုဥပဒေကိုကျူးလွန်ခြင်းဖြစ်တယ်လို့ဖေါ်ပြပါစီရင်ထုံးမှာသုံးသပ်ခဲ့ဘူးတယ်။

တစ်ခါ တရားရုံးတစ်ရုံးရဲ့ဆုံးဖြတ်ချက်တစ်ရပ်ရပ်ကို မမှန်မကန်ပတ်ခတ်ဝေဖန်ရေးသားပြန်ရင်လဲ 

တရားရုံးများမထီမဲ့မြင်ပြုမှုဥပဒေနှင့်ငြိစွန်းနိုင်ပါသေးတယ်။ ၇ - ၃ -၄၈ ရက်နေ့ထုတ်ဗမာ့ခေတ်

သတင်းစာမှာ ဆွဲချတော့  မ  တင်တာပေါ့ဗျာ  ခေါင်းစဉ်နဲ့ ထိုစဉ်က သထုံမြို့ တရားမဝန်ထောက်ရုံးရဲ့ 

၁၉၄၆ ခုနှစ်တရားမကြီးမှုအမှတ် -၁၅ နှင့် တရားမ ဇာရီမှုအမှတ် ၂၀ တို့ရဲ့ဆုံးဖြတ်ချက်တွေကိုဝေဖန်

ရေးသားခဲ့ပါတယ်။

သည်ဆောင်းပါးပါ စာပိုဒ်ရဲ့ဝေဖန်ချက်တွေဟာ ပကတိအဖြစ်အပျက်နှင့်ကွဲလွဲနေတဲ့အပြင်

 တရားရုံးနှင့် တရားသူကြီးရဲ့၈ုဏ်သိက္ခာကိုထိပုါးရာရောက်နေတယ်၊ဒါကြောင့် ရုံးတော်ကို

မထီမဲ့မြင်ပြုရာရောက်သောအပြုအမူ အပြောအဆို အရေးအသားကိုရေးသားပေးပို့သော

သတင်းထောက်တွင်လည်းကောင်း၊ထည့်သွင်းဖေါ်ပြခဲ့ကြသော သတင်းစာအယ်ဒီတာနှင့် 

ပုံနှိပ်ထုတ်ဝေသူတွင်လည်းအပြစ်ရှိသည်၊ဤအမှုမှာကဲ့သို့ အယ်ဒီတာနှင့်ပုံနှိပ်ထုတ်ဝေသူတို့က

 တရားသူကြီးကိုပင်မသိ၊တရားသူကြီးအပေုါ်တွင်မကောင်းသောစိတ်စေတနာလည်းမရှိ၊

သတင်းထောက်ကရေးသားပေးပို့လိုက်သောသတင်းအပေါ်မှန်လိမ့်မည်ထင်ပြီးသဘောရိုးဖြင့်ထည့်လိုက်

မိပါသည်ဟုထုချေသည့်တိုင်၊အပြစ်ဒဏ်မှမလွတ်နိုင်ချေလို့

 ဦးစောဘသိန်း နှင့်   ဦးကိုကိုလေး   ၁၉၄၈ ခုနှစ် မြန်မာနိုင်ငံတရားစီရင်ထုံးများး-စာ၃၈၉ 

အမှုမှာဆုံးဖြတ်ခဲ့ဘူးပါတယ်။

ဒါဖြင့် အများပြည်သူ နှင့် တိုင်းပြည်အကျိုးကိုရှေ့ထားတာမှန်သော်ငြား၊စာရေးသားရတာကလဲ 

မလွယ်ပါလားလို့အားတော့မငယ်လိုက်ကြပါနှင့်၊အခုအသစ်ပြဌာန်းလိုက်တဲ့ တရားရုံးများကို

မထီမဲ့မြင်ပြုမှုဥပဒေအသစ်မှာ၊ ကင်းလွတ်ချက်တွေပြဌာန်းထားပါသေးတယ်၊ဒီပြဌာန်းချက်တွေဟာ 

ရုပ်သိမ်းပြီးဖြစ်တဲ့ဥပဒေအဟောင်း မှာမပါသေးတဲ့အချက်တွေဆိုတာ အထင်အရှားတွေ့ရမှာဖြစ်ပါတယ်။

အဲဒါတွေကတော့ ဆောင်ရွက်ဆဲတရားစီရင်သောမှုခင်းတစ်ရပ်ရပ်၊ တစ်နည်းအားဖြင့်မပြီးပြတ်သေးသော

မှုခင်းတစ်ရပ်ပင်ဖြစ်ပါစေ၊တရားမျှတမှန်ကန်တိကျခိုင်လုံတဲ့အကြောင်းအရာတစ်ရပ်ရပ်ကို၊နှုတ်ဖြင့်ဖြစ်စေ၊

စာဖြင့်ဖြစ်စေ၊ထင်ရှားတဲ့ပုံသဏ္ဍန်ဖြင့်ဖြစ်စေ၊ ထုတ်ဖေါ်ကြေငြာခြင်း၊ သတင်းအဖြစ်ရေးသားတင်ဖေါ်ပြပုံနှိပ်

ထုတ်ဝေဖြန့်ချီ ခြင်းတို့ဟာ တရားရုံးများကိုမထီမဲ့မြင်ပြုမှုမြောက်စေရလို့ အတိအကျပြဌာန်းထားလို့ပါဘဲ။ 

ထို့အတူ စစ်ဆေးကြားနာဆုံးဖြတ်၊အပြီးသတ်ချမှတ်ထားသောမှုခင်းတစ်ရပ်ရပ် ၏ အရည်အသွေးအပေါ်မျှ

တမှန်ကန်စွာ သုံးသပ်ချက်တစ်ခုခုကိုဝေဖန်သုံးသပ်ဖြန့်ချိခြင်းများဟာလဲတရားရုံးများကို မထီမဲ့မြင်ပြုရာ

မမြောက်စေရ လို့ပြဌာန်းထားတယ်ခင်ဗျ။သည်အချက်ကိုတော့ လုံးဝကြိုဆိုလိုက်ချင်တယ်ဗျာ၊ 

ဘယ့်နှယ်ဗျာ တရားသူကြီးဆိုတာလဲ လူူသားပေဘဲဟာ၊မှားနိုင်တာပါဘဲ၊ အမှားကြီးတွေ့နေရက်နှင့်တော့

 လက်ပိုက်ကြည့်မနေနိုင်ပေါင်  ပြောစရာရှိတာပြော၊ရေးစရာရှိတာရေး၊ဝေဖန်စရာရှိ ဝေဖန် အကြံပြု

၊တစ်ခုတော့ရှိတယ်နော် ကိုယ့်ဘက်ကတော့တိကျမှန်ကန်ဘို့တော့လိုပေလိမ့်မယ်။

တစ်ခုသတိပေးရအုံးမယ်၊ ကိုယ်ရေးသားဖေါ်ပြမယ့်အကြောင်းအရာဟာ၊ အများပြည်သူဆိုင်ရာ

မူဝါဒအရဖြစ်စေ၊ အပ်နှင်းထားသောအခွင့်အာဏာများးကိုကျင့်သုံး၍ဖြစ်စေ၊တရားရုံးကအတိအလင်း

ပိတ်ပင်ထားတဲ့တရားစီရင်သော မှုခင်းတစ်ရပ်ရပ်ရဲ့သတင်းအချက်အလက်တွေကိုတော့ 

သွားမထိလေနဲ့၊ Shock ရှိတယ်၊သိတယ်နော်

ဒီအကြောင်းတွေဖေါက်သည်ချရတာ ကျုပ်မှာအကြောင်းရှိပါတယ်။ ဒီကနေ့ ကျွန်တော်တို့နိင်ငံမှာ 

ဂျာနယ် နှင့် သတင်း၊မဂ္ဂဇင်းများစွာထုတ်ဝေနေကြပါတယ်၊ သတင်းဦး သတင်းထူးရေးအတွက်ကြိုးစားနေ

ကြသလို၊နေ့စဉ် အပါတ်စဉ်၊လစဉ်အလျင်မီစွာထွက်ရှိနိုင်ရေးကလဲအဓိကပါ။

သည်လိုအခါမျိုးမှာ စာတစ်ကြောင်း ဆောင်းပါးတစ်ပုဒ်အတွက် အလုပ်မပျက်စေချင်ဘူးဗျာ၊

စာသမားတွေအတွက် ထွက်လာဦးမယ့်ဥပဒေတွေကလဲ အသံတွေကြားနေရတယ်၊

 တကယ်တော့ရာဇသတ်ကြီးဆိုတဲ့ပြစ်မှုဆိုင်ရာဥပဒေထဲမှာကိုက ခင်ဗျားတို့ကျုပ်တို့အတွက်ရှောင်ရန်

ဆောင်ရန် တွေကအများကြီးပါ၊ ဒီတော့ကာ သလေးဆန်စားရင် လေးသံကိုလဲ နားစွင့်ထားကြပါ 

ဆရာတို့ရေ။

ဝေသုဇေ

(၂၃)ရက် ဩဂုတ်လ ၂၀၁၃ ခုနှစ် တွင်

တရားလွှတ်တော်ရှေ့နေ ဦးချစ်ဆွေ ရေးသားတင်ပြချက်အားပြန်လဲဖော်ပြအပ်ပါသည်